• 19.07.2018/ Tovuz rayonunda kartof güvəsinə qarşı mübarizə tədbirləri aparılır
  • 18.07.2018/ FÜZULİ VƏ AĞDAMDA PAMBIĞIN BECƏRİLMƏSİ ÜÇÜN AQROTEXNİKİ TƏDBİRLƏRİN TƏŞKİLİ" MÖVZUSUNDA MÜŞAVİRƏ KEÇİRİLİB
  • 14.07.2018/ Gürcüstandan Azərbaycana İtaliya çəyirtkəsinin kütləvi miqrasiyasının qarşısı alınıb
  • 13.07.2018/ Pambıq sovkasına qarşı bioloji mübarizə tədbirləri davam edir
  • 11.07.2018/ Saatlı və Sabirabad rayonlarında fermerlər üçün maarifləndirici təlim keçirilib
  • 11.07.2018/ Gədəbəydə Kolorado kartof böcəyinə qarşı mübarizə başlayıb

21 İyul 2018
Dont risk

Xəbərlər

03.07.2018/Salyan və Neftçala rayonlarında pambıq sahələrində texniki təhlükəsizlik qaydaları ilə bağlı təlim keçirilib

Kənd Təsərrüfatı Nazirliyi tərəfindən pambıqçılıq üzrə ixtisaslaşmış rayonlarda pambıq əkini ilə məşğul olan fermerlər və təsərrüfat sahibləri üçün keçirilən maarifləndirici təlimlər davam etdirilir.

İyul ayının 3-də Kənd Təsərrüfatı Nazirliyi yanında Dövlət Fitosanitar Xidmətinin Respublika Bitki Mühafizəsi Mərkəzinin rəisi Daməd Sultanov, Kənd Təsərrüfatı Nazirliyi yanında Bitki Sortlarının Qeydiyyatı və Toxum Nəzarəti üzrə Dövlət Xidmətinin sektor müdiri Murtuzəli Hacıyev Salyan və Neftçala rayonlarında növbəti təlim keçiblər.

Açıq tarla şəraitində keçən təlimdə Salyan Rayonu Kənd Təsərrüfatı İdarəsinin əməkdaşları, fermerlər, torpaq mülkiyyətçiləri, “MTK” MMC və “CTC” MMC-nin mütəxəssisləri, aqronomlar və mexanizatorlar  iştirak ediblər. 

Təlim zamanı pambıq sahələrində pambıq sovkasına qarşı mübarizə işinin təşkili, pestisidlərin tətbiqi zamanı qarşıya çıxan problemlər, texniki təhlükəsizlik qaydaları və qoruyucu vasitələrdən düzgün istifadə olunması, eyni zamanda pestisidlərin tətbiqi zamanı insan orqanizminə və ətraf mühitə mənfi təsirinin qarşısının alınması haqqında geniş məlumat verilib.

Murtuzəli Hacıyev pambıq bitkisinin becərilməsi, əkindən sonra aqrotexniki qulluğun göstərilməsi, sahələrdə zərərvericilərə qarşı müşahidə işlərinin düzgün təşkili və digər mövzularda iştirakçılara tövsiyyələr verib.

Daməd Sultanov pambıq bitkisinin vegetasiyası müddətində pambıq zərərvericilərinə qarşı tətbiq olunan pestisidlərin tətbiqi zamanı qarşıda duran problemlər, pestisidlərin təlimata uyğun olaraq düzgün tətbiqi, məsarif normalarının düzgün müəyyənləşdirilməsi ilə bağlı mexanizatorlara və fermerlərə tövsiyyələr verib.

Tədbirin sonunda iştirakçılara həyata keçirilən tədbirlər zamanı texniki təhlükəsizlik qaydalarına əməl etmələri ilə bağlı müvafiq tövsiyyələr verilib, pestisidlərin düzgün tətbiqi ilə bağlı təlimatlar, pestisidlərin tərkib mexanizminə uyğun olaraq insanların sahələrə buraxılması müddəti ilə bağlı əyani vəsaitlər və bukletlər iştirakçılara təqdim olunub və təlimatlarda göstərilən təhlükəsizlik tədbirlərinə riayət olunması istiqamətində fikir mübadiləsi aparılıb.



1 2 3 4
Copyright by DFNX, 2015
AZ 1106, Bakı şəhəri, N.Nərimanov küçəsi, 7a
(012) 562-87-60 (012) 562-82-45