• 19.06.2019 / Pambıqçılıq rayonlarında pambıq sovkasına qarşı bioloji mübarizəyə hazırlıq gedir
  • 19.06.2019 / Bölgələrdə fumiqasiya tədbirləri davam etdirilir
  • 18.06.2019 / Pambıqçılıq rayonlarında vətəndaşlara texniki təhlükəsizlik qaydaları izah olunur
  • 14.06.2019 / Tovuzda fermerlərə çəyirtkəkimilərlə mübarizə tədbirləri ilə bağlı təlim keçirilib
  • 13.06.2019 / Lənkəranda Amerika ağ kəpənəyinə qarşı kimyəvi tədbirləri aparılır
  • 11.06.2019 / Pambıqçılıq rayonlarında zərərvericilərə və alaq otlarına qarşı mübarizə davam etdirilir

19 İyul 2019
Dont risk

Xəbərlər

07.05.2019 / Küdrü düzündə çəyirtkəkimilərə qarşı mübarizə tədbirləri aparılır

Kənd Təsərrüfatı Nazirliyi yanında Dövlət Fitosanitar Xidmətinin mütəxəssisləri tərəfindən aprel ayının ikinci ongünlüyündən etibarən İmişli, Saatlı, Sabirabad, Biləsuvar və Salyan rayonlarını əhatə edən Küdrü düzü ərazisində Mərakeş çəyirtkəsinə qarşı fitosanitar müşahidə və kimyəvi mübarizə tədbirləri həyata keçirilir.

Hər il olduğu kimi cari ildə də Dövlət Xidməti tərəfindən çəyitkəkimilərlə mübarizə tədbirlərini vaxtında və keyfiyyətli təşkil etmək məqsədi ilə ultra kiçik həcmli ciləyici aqreqat quraşdırılmış maşın-mexanizmlərdən istifadə edilir ki, bu da kənd təsərrüfatı məhsullarına dəyən zərərin qarşısının alınmasında mühüm rol oynayır. 

Aprel ayının ikinci ongünlüyündən etibarən bu günə qədər Küdrü düzü ərazisini əhatə edən ümumilikdə 58080 hektar sahədə fitosanitar müşahidələr aparılıb, 32065 hektar sahədə çəyirtkələrlə sirayətlənmə aşkar edilib və 9800 hektar sahədə isə kimyəvi mübarizə tədbirləri həyata keçirilib. Qeyd edilən tarixdə İmişli rayonu ərazisini əhatə edən 31750 hektar sahədə fitosanitar müşahidələr aparılıb, 20000 hektar sahədə zərərvericilərlə sirayətlənmə aşkar edilib və 5000 hektar sahədə kimyəvi mübarizə aparılıb. Mübarizə zamanı Alfa-sipermetrin tərkibli Chrysamed Dedex 10% EC və sipermetrin tərkibli Arrivo 25 ES preparatlarından, eləcə də “AU 8115M” markalı ultra kiçik həcmli ciləyici aqreqat quraşdırılmış Pikap tipli avtomobillərdən və ventilyatorlu 2000 l həcmli çiləyicilər qoşulmuş traktorlardan istifadə edilib.

Qeyd edək ki, mübarizə tədbirləri aparılan ərazilərdə əvvəlcədən xəbərdaredici nişanlar qoyulub, təsərrüfat sahibləri, fermerlər və ətraf kəndlərin sakinləri arasında maarifləndirmə tədbirləri həyata keçirilib, eyni zamanda onlara mübarizə tədbirlərinin əhəmiyyətini əks etdirən və çəyirtkəkimilər haqqında tərtib olunmuş broşuralar paylanılıb.

Dövlət Fitosanitar Xidməti fermer təsərrüfatı sahiblərinə və sahibkarlara xəbərdarlıq edərək bildirir ki, əgər əkin sahələrində, fermer təsərrüfatlarında adıçəkilən zərərvericilərin kütləvi hücumu baş verərsə, dərhal Kənd Təsərrüfatı Nazirliyinin 1652 çağrı mərkəzinə zəng etmək və ya Dövlət Xidmətinin yerli qurumlarına məlumat vermək lazımdır.



1 2 3 4
Copyright by DFNX, 2015
AZ 1106, Bakı şəhəri, N.Nərimanov küçəsi, 7a
(012) 562-87-60 (012) 562-82-45